‘n Sinoniem vir Suid-Afrikaners as jy my sou vra!
Biltong is iets wat werklik geliefd is onder ons Suid-Afrikaners en daar is geen twyfel hoekom nie – want dit is LEKKER! Finish en klaar…
Maar het jy geweet dat hierdie gunsteling happie ook gesondheids voordele het vir jou?
Hierdie gedroogde stukkie vleis met sy unieke smaak is hoog in proteïene en laag in koolhidrate, wat dit gewild maak onder diegene wat spesifieke diëte volg. Biltong is ook vreeslik ryk in yster. Dit bevat ook talle ander nodige voedingswaarde soos magnesium, en B Vitamiene.
Die presiese voedingswaarde hang nou egter af van die verskillende speserye wat gebruik word om die biltong te maak. Sommige mense verkies dit met Sout en Peper en ander hou nou weer van so bietjie koljander saam hul biltong.
Alhoewel biltong ‘n uistekende happie maak moet mens maar versigtig wees om nie te veel van díe in te kry nie – dit kan mens maar soms los met ‘n ongekrapte magie, veral as die biltong nog so effens aan die nat kant is. Maar dit nou daar gelaat.
Ons almal is LIEF vir ons biltong en ons kliënte weerspieël werklik hierdie stelling. Ons poog om altyd slegs kwaliteit biltong aan jou te lewer.
Het jy geweet dat ons nou ook self ons eie Biltong maak en droog? ‘n Resep vanaf my oupa, die Groot Leeu – Francois Joubert, doen nou nog die rondtes en daarom gebruik ons die einste!
Wat is jou gunsteling biltong? Droog of bietjie nat? Geen vet of ‘n lekker stuk Geel Vet aan die kant?
Deel met ons man, ons wil weet wat maak jou gelukkig!
